सप्तरीमा गौशाला आगलागी हुँदा लाखौंको क्षति

शुभ नारायण यादव-
सप्तरी, फागुन २० गते ।

सप्तरीको रुपनी गाउँपालिका-१ स्थित पण्डित राम कुमार शास्त्री गौ सेवा आश्रम शास्त्रीनगरमा आगलागी हुँदा लाखौंको क्षति भएको छ ।

गौशालामा काेहि नभएको बेला गएराति अचानक आगलागी हुँदा १० लाख भन्दा बढीको क्षति भएको हाे ।

आगलागीबाट गौशालाकाे एउटा भवन पुर्ण रुपमा जलेर क्षति भएको तथा कुनै किसिमको मानविय तथा पशु चाेपायामा कुनै क्षति नभएको पण्डित शास्त्रिले जानकारी दिए ।

पण्डित शास्त्रि आफु धार्मिक कार्यक्रममा सप्तरीको हनुमाननगर कङकालिनी नगरपालिका स्थित इनर्वामा रहेको बेला माेका छाेपि आगजनी गरेको हुन सकने बताए ।

उक्त गौशालामा झन्डै एक दर्जन गाई पालन गरिएको छ ।

यता आगगलागी कसले र किन गरेकाे खुल्न नसकेपनि साे बिषयमा आवश्यक अनुसन्धान भइरहेको जिल्ला प्रहरी कार्यालय सप्तरीले जनाएको छ ।