मधेश प्रदेश : मोटरसाइकल चोरी गरेर भाग्दै गर्दा चोर प्रहरीको फन्दामा

टुडेपाटी–
पर्सा, माघ १९ गते ।

प्रहरीले मोटरसाइकल चोरी गरेर भाग्दै गरेका एक युवकलाई पक्राउ गरेका छन् ।

गएराति पर्साको वीरगञ्ज महानगरपालिका–१५ भिष्वा चोकबाट वीरगञ्ज–२ का २० वर्षीय मोहम्द अलीलाई पक्राउ गरिएको जिल्ला प्रहरी कार्यालय पर्साले जनाएको छ ।

बाराको फेटा गाउँपालिका–३ का ३१ वर्षीय नरेश प्रसाद साहको नाममा दर्ता रहेको प्रदेश २–०३–०१२ प ५८६ नम्बरको कालो रंगको १६० सिसिको अपाचे मोटरसाइकल पार्किङ गरेर राखिएको अवस्थामा मोहम्द अलीले लक तोडेर भाग्दै गर्दा प्रहरी चौकी भिष्वाडाडाँबाट खटेका प्रहरी टोलीले उनलाई नियन्त्रणमा लिएको हो ।

चोरी सम्बन्धी कसूरमा मुद्दा दर्ता गरी प्रहरीले थप अनुसन्धान थालेका छन् ।