सप्तरीमा ट्रकमा आगजनी

शुभनारायण यादव-
राजविराज, माघ १२ गते ।

पूर्व पश्चिम राजमार्ग अन्तर्गत सप्तरीमा एक ट्रकमा आगजनी भएको छ ।

सप्तरीको अग्निसाइर कृष्णसवरण गाउँपालिका वडा नं.–४ विशाल चौकस्थित पूर्वतर्फ गइरहेको ना ५ ख १९११ नम्वरको ट्रकमा गए राति आगजनी भएको हो ।

कुखुराको दाना बोकेर गइरहेको सो ट्रकमा राति करिब ११ बजे आगजनी भएको ईलाका प्रहरी कार्यालय कञ्चनपुरका डिएसपी रामकुमार यादवले जानकारी दिए ।

उनका अनुसार ट्रकमा कसले र किन आगजनी गरेको विषयमा अनुसन्धान भइरहेको छ । चालक भने सम्पर्कमा आएका छैनन् ।

अज्ञात समूहद्वारा गरिएको आगजनीले ट्रक पूर्ण रुपमा जलेको छ । यसअघि पुस १६ गते पनि सोही गाउँपालिका वडा नं.–५ स्थित महुली पुलमा एक ट्रक जलाइएको थियो ।

फाइल तस्विर