सर्लाहीमा टिपरमा मोटरसाइकल ठोक्किँदा एक युवकको ज्यान गयो

टुडेपाटी-
सर्लाही, माघ ८ गते ।

सर्लाहीको बागमती पुलमा मोटरसाइकल टिपरमा ठोक्किँदा एक युवकको ज्यान गएको छ ।

ज्यान जानेमा सर्लाहीको हरिवन नगरपालिका ५ घुर्कौली घर भएका करिव ३४ वर्षीय सुनिल बम्जन रहेका छन् ।

शुक्रबार राति पूर्वपश्चिम राजमार्ग अन्तर्गत बागमती नगरपालिका १२ स्थित बागमती पुलमा मोटरसाइकल मोटरसाइकल टिपरमा ठोक्किँदा उनको मृत्यु भएको प्रहरीले जनाएको छ ।

प्रहरीका अनुसार पश्चिमबाट पूर्वतर्फ जाँदै गरेको बम्जन सवार बा ९४ प ५९०८ नम्बरको मोटरसाइकल सोही दिशातर्फ जाँदै गरेको ना ७ ख ८३०० नम्बरको टिपरमा ठोक्किँदा घटना भएको हो ।

दुर्घटनामा गम्भीर घाइते भएका बम्जनलाई उपचारको लागि अस्पताल लैजाँदै गर्दा रौतहटको चन्द्रपुर पुगेपछि मृत्यु भएको जिल्ला प्रहरी कार्यालय सर्लाहीले जनाएको छ।

मृतक बम्जन सर्लाहीका माओवादी केन्द्र निकट युवा संगठन वाइसिएलको नेता थिए ।