श्रृङ्खलावद्ध हत्याको आरोपमा सप्तरीबाट एकजना पक्राउ

टुडेपाटी–
सप्तरी, मंसिर २२ गते ।

श्रृङ्खलावद्ध हत्यामा संलग्नको रहेको आरोपमा सप्तरीबाट एकजना पक्राउ परेका छन् ।

पक्राउ पर्नेमा जिल्लाको सुरुंगा नगरपालिका वडा नंं. १० का ६० वर्षका गुलजार मियाँ रहेको जिल्ला प्रहरी कार्यालय सप्तरीका प्रहरी प्रवक्ता प्रहरी नायव उपरीक्षक माधव प्रसाद काफ्लेले जानकारी दिए ।

उनलाई सिरहाको सखुवानन्कारकट्टी गाउँपालिका वडा नं. १ महेशबारी टोलबाट पक्राउ गरिएको डीएसपी काफ्लेले बताए ।

विशेष सुराकीको आधारमा उनलाई पक्राउ गरिएको काफ्लेले बताए । गुलजारमाथि २०६४ देखि २०७१ सालसम्म सुनसरी र सप्तरीमा भएको ९ वटा हत्याका घटना संलग्न भएको आरोप छ ।

२०६९ सालमा भएको पटेर्वा–१ का ससुरा–बुहारी सहबुद मियाँ र सगिरा खातुनको हत्या, २०७० मा तत्कालिन त्रिकौल गाविस–५ कि अधिकारकर्मी निर्मलादेवी साहको हत्यालगायतका घटनामा गुलजारको संलग्नता देखिएको प्रहरीको भनाइ छ ।