मौलापुर नगरपालिकाद्वारा वडा कार्यालयमा सामुदायिक रेडियो सञ्चालन

टुडेपाटी–
रौतहट, मंसिर ७ गते ।

प्रदेश २ को एक स्थानीय तहले आफ्नै रेडियो सञ्चालन गरेको छ ।

रौतहटको मौलापुर नगरपालिकाले सामुदायिक रेडियो मौलापुर सञ्चालनमा ल्याएको छ । वडा नं. ५ को कार्यालयमा मौलापुर एफ एम १००.७ मेगाहर्ज सञ्चालन गरिएको छ ।

नगरप्रमुख रिना कुमारी साहले सोमबार साँझ एक कार्यक्रमबीच एफएमको उद्घाटन गरिन् ।

रेडियोको उद्घाटन गर्दै प्रमुुख साहले रेडियोमा शिक्षा ,रोजगार ,कृषि र स्वास्थ्य सँग सम्बन्धी कार्यक्रमलाई बढी जोड दिन आग्रह गरेकी थिइन ।

उक्त अवसरमा मौलापुर नगरपालिकाका उपमेयर गौरी शंकर जयसवाल, प्रमुख प्रशासकीय अधिकृत रामबाबु साह, मौलापुर नपाका वडा नम्बर ५ का वडा अध्यक्ष बहिदार राउत कुर्मी ,चन्देश्वर बैठा आदिले स्वागत मन्तव्य राख्दै रेडियो को प्रगतिको कामना गरेका थिए ।