प्रदेश २ मा कोरोनाको सक्रिय संक्रमितको संख्या सय भन्दा कम

टुडेपाटी–
जनकपुरधाम, कार्तिक २७ गते ।

प्रदेश २ मा कोरोना संक्रमितको संख्या घटने क्रम जारी रहेको छ । स्वास्थ्य निर्देशनालय प्रदेश २ का अनुसार हाल यस प्रदेशमा कुल सक्रिय संक्रमितको संख्या ७३ रहेको छ । संक्रमितहरु मध्ये ६६ जना होम आइसोलेशनमा र ७ जना सामान्य उपचारको क्रममा रहेको निर्देशक विजय झाले जानकारी दिए ।

स्वास्थ्य निर्देशनालयको तथ्यांक अनुसार अहिले सबैभन्दा बढी धनुषामा १८ जना सक्रिय संक्रमित रहेका छन् । त्यस्तै महोत्तरीमा १६, पर्सामा १३, सप्तरीमा ७, रौतहटमा ७, सिरहामा ६, सर्लाहीमा ३ र बारामा ३ जना कोरोनाको सक्रिय संक्रमित रहेका छन् ।

Sponsored

प्रदेश २ मा अहिलेसम्म कुल ३८ हजार ४ सय ९५ जनामा कोरोना संक्रमण पुष्टि हुँदा ३७ हजार ३ सय ७९ जना निको भएका छन् भने १ हजार ३९ जनाले आफ्नो ज्यान गुमाएका छन् ।