जनकपुरमा कोरोनाबाट बच्न साबुन, पानी, बिस्कुट र मास्क बाँडदै उत्थानका युवाहरु

टुडेपाटी-
जनकपुरधाम, चैत १७ गते ।

कोरोना भाइरस संक्रमणबाट बच्न जनकपुरको उत्थान संस्थाले साबुन, पानी, मास्क र विस्कुट वितरण गरिरहेको छ ।

लकडाउनको प्रभावकारी कार्यन्वयनकालागि जनकपुरको ठाउँ ठाउँमा सुरक्षार्थ खटिएका प्रहरीलाई पानी, बिस्कुट वितरण गरेको हो ।

संस्थाले जनकपुरस्थित बृद्ध आश्रममा मास्क र साबु वितरण गर्दै कारोनाबाट बच्न अपनाइने उपायबारे सल्लाह सुझाव समेत दिएको संस्थाका प्रतिनिधि सुनिल कुमार साहले जानकारी दिए ।

उनका अनुसार यसका साथै जनकपुरको ठाउँ ठाउमा साबुन पानीको समेत व्यवस्था गरिएको छ भने बाह्रविघा मैदानमा अलपत्र परेका भारतीय नागरिकहरुलाई समेत राहत उपलब्ध गराइएको छ ।

वितरण समुहमा चन्द्रभुषण साह, अशोक साह, डा. संजय पासवान र सुनिल साह रहेको उनले बताए ।