सिरहामा मोबाइल चोर भन्दै युवकलाई डोरीले बाँधेर रामधुलाई, तीन मोबाइलसहित प्रहरीमा बुझाए

टुडेपाटी
सिरहा, असोज ७ गते ।

सिरहाको मिर्चैयाबाट चोरीको तीनवटा मोबाइलसहित एक युवक प्रहरीको फन्दामा परेका छन् ।

शुक्रबार बिहान मोबाइल चोरी गरिरहेकै अवस्थामा स्थानीयले उदयपुरको कटारी नगरपालिका ४ बस्ने वर्ष २१ का सञ्जु श्रेष्ठलाई पक्रेका थिए ।

उनलाई स्थानीयले डोरीले हातखुट्टा बँधेर कु’टपिट गरी प्रहरीलाई जिम्मा लगाएका छन् ।

उनको साथबाट चोरीका तीनवटा मोबाइल फेला परेको इलाका प्रहरी कार्यालय मिर्चैयाका डिएसपी राजेन्द्र श्रेष्ठले टुडेपाटीलाई जानकारी दिए ।

उनी पेशेवर मोइबाइल चोर नै रहेको अनुसन्धानबाट देखिएकाले अदालतबाट चोरी कसुरमा म्याद थपर गरी थप अनुसन्धान गरिरहेको डिएसपी श्रेष्ठले बताए ।