१२ किलो गाँजासहित सिरहाबाट तीन जना प्रहरी नियन्त्रणमा

टुडेपाटी-
सिरहा, वैशाख २२ गते ।

१२ किलोग्राम गाँजासहित सिरहाबाट तीन जनालाई प्रहरीले पक्राउ गरेको छ । पक्राउ पर्नेमा धनगढीमाई नगरपालिका-१३ बस्ने २१ वर्षीय राकेश यादव, २१ वर्षीय सुनिल यादव र २० वर्षीय सञ्जय यादव रहेका छन् ।

प्रहरीले मंगलबार राति धनगढीमाई नगरपालिका-११ श्रमजिवी जाने बाटोबाट गाँजासहित तीन जनालाई पक्राउ गरेको जिल्ला प्रहरी कार्यालय सिरहाले जनाएको छ ।

Sponsored

स१०प २७३ र स२प ७५८३ नम्बरको मोटरसाइकललाई इलाका प्रहरी कार्यालय धनगढीबाट खटिएको प्रहरीले जाँच गर्ने क्रममा दुबै मोटरसाइकलमा सवार उनीहरूलाई गाँजासहित फेला पारेको सिरहा प्रहरीले जनाएको छ ।