सर्लाहीको बाँके जङ्गलबाट पेस्तोलसहित एकजना पक्राउ

टुडेपाटी-
सर्लाही, वैशाख १० गते ।

सर्लाहीको बाँके जङ्गलबाट पेस्तोलसहित एकजनालाई प्रहरीले पक्राउ गरेको छ । सर्लाहीको चन्द्रनगर गाउँपालिका–२, का ३२ वर्षीय त्रिभुवन बैठालाई हतियारसहित पक्राउ गरेको हो ।

प्रदेश प्रहरी कार्यालय जनकपुर र ईलाका प्रहरी कार्यालय केशरगंजबाट संयुक्त रुपमा खटिएको प्रहरी गस्ती टोलीले उनलाई पक्राउ गरेको जिल्ला प्रहरी कार्यालय सर्लाहीले जनाएको छ ।

बाँके जङ्गलस्थित ईश्वरपुर नगरपालिका–१२, कालिन्जोर चोकमा बीआर ३० जेड ६५४८ नम्वरको भारतीय मोटरसाइकल रोकेर खानतलासी लिँदा चालक बैठाको साथबाट मेडइन यूएसए लेखिएको एक थान पेस्तोल, त्यसमा लाग्ने चार राउण्ड गोली र एक थान म्यागजिन बरामद भएको हो ।

मोटरसाइकल पछाडि सवार व्यक्ति भने फरार भएका छन् । उनको खोजी भइरहेको प्रहरीले जनाएको छ ।