पर्सामा गाँजा र चरेससहित मियाँ पक्राउ

टुडेपाटी-
पर्सा, चैत ५ गते ।
पर्सा प्रहरीले गाँजा र चरेससहित एक जनालाई पक्राउ गरिएको छ । पर्साको पटेर्वा सुगौली गाउँपालिका ४ देउरवाना बस्ने ५० वर्षीय नुर आलम मियाँलाई पक्राउ गरिएको हो ।

प्रहरी चौंकी रंगपुरटाडी पर्साबाट खटिएको प्रहरी टोलीले पटेर्वा सुगौली गाउँपालिका २ बैधनाथपुरबाट उनलाई मंगलबार पक्राउ गरिएको जनाएको छ ।

मियाँले साइकलमा गाँजा र चरेस ल्याउँदै गर्दा पक्राउ परेको जिल्ला प्रहरी कार्यालय पर्साले जानकारी दिएको छ ।

Sponsored

प्रहरीका अनुसार एक किलो ५०० ग्राम गाँजा र एक किलो चरेस र एक किलो ५०० ग्राम चरेसको धुलो उनको साथबाट बरामद भएको छ ।