जनकपुरमा एक वृद्ध मृत भेटिए, धनुषामा लगातार तेस्रो दिन शव फेला

टुडेपाटी-

जनकपुरधाम, चैत २१ गते ।

जनकपुरमा आज फेरि एक वृद्धको शव फेला परेको छ ।

शिवचोकस्थित होटेल वेलकमको अगाडी सडक छेउमै वृद्धको शव फेला परेको हो ।

धनौजी गाउँपालिकाको लखौरी घर भएका ७० वर्षीय साधु सुखन दासको शव फेला परेको जिल्ला प्रहरी कार्यालय धनुषाले जनाएको छ ।

उनी माग्दै हिड्ने साधु रहेको बताइएको छ ।

विरामी परेर उनको मृत्यु भएको हुनसक्ने प्रहरीको आशंका छ ।

उनको साथबाट केहि नगद र प्रादेशिक अस्पतालमा उपचार गराएको पूर्जी कागजात समेत फेला परेको जिल्ला प्रहरी कार्यालय धनुषाले जनाएको छ ।

उनको शव पोष्टमार्टमकालागि प्रादेशिक अस्पताल जनकपुर लगिएको छ ।

धनुषामा बिहीवारदेखि आज लागतार तेस्रो लास फेला परेको छ ।

यसअघि धनुषाको क्षिरेश्वरनाथ नगरपालिकास्थित पकडिया र औरही गाउँपालिकामा लाश फेला परेको थियो ।