सप्तरीमा कर्तव्य ज्यान मुद्दाका २ फरार अभियुक्त पक्राउ

टुडेपाटी-

सप्तरी, फागुन ३० गते ।

सप्तरीमा कर्तव्य ज्यान मुद्दाका २ फरार अभियुक्तलाई प्रहरीले पक्राउ गरिएको छ । पक्राउ पर्नेमा सप्तरीका डिमन बस्ने सुकदेव यादव र विनोद कुमार यादव पक्राउ छन्।

बिहीबार बिहान उनीहरूलाई प्रहरीले पक्राउ गरेको हो ।

सोही ठाउँका दिलीपकुमार यादवलाई २०६२ साल असोज १७ गते गोली प्रहार गरी हत्या भएको घटनामा संलग्न रहेपछि उनीहरू फरार भएका थिए ।

जिल्ला प्रहरी कार्यालय सुनसरी र इलाका प्रहरी कार्यालय कञ्चनपुरबाट खटिएको प्रहरी टोलीले सुनसरीको इनरुवा नगरपालिका–९ मा लुकिछिपी बसिरहेको अवस्थामा फेला पारी पक्राउ गरेको सप्तरी प्रहरीले जनाएको छ ।

उनीहरूविरुद्द प्रहरीले कर्तव्य ज्यानसम्बन्धि कसूरमा अनुसन्धान थालेको छ ।