मुख्यमन्त्री स्वच्छता अभियानको गाडीको ठक्करबाट टेम्पु चालकको ज्यान गयो

टुडेपाटी–

जनकपुरधाम, माघ ३० गते ।

सिरहामा प्रदेश २ का मुख्यमन्त्री मो. लालबाबू राउतको स्वच्छता अभियानको गाडीको ठक्करबाट एक टेम्पु चालकको ज्यान गएको छ ।

ज्यान जानेमा टेम्पु चालक सिरहाको कल्याणपुर नगरपालिलका- १२ बस्ने बर्ष ४० का जय प्रकाश साह रहेको प्रहरीले जनाएको छ ।

शुक्रबार सिरहा चोहर्वा सडक खण्ड अन्तर्गत सिरहाको बिष्णुपुर गाउँपालिक -५ लक्ष्मीपुर चौकमा मुख्यमन्त्री स्वच्छता अभियानको प्रदेश २-००२-००१ झ ००५७ नम्बरको गाडीले टेम्पु चालकलाई ठक्कर दिएको थियो ।

ठक्करबाट उनको घटनास्थलमै मृत्युु भएको जिल्ला प्रहरी कार्यालय सिरहाले जनाएको छ ।

ठक्कर दिने गाडी र चालक नियन्त्रणमा रहेको छ र घटना विषयमा थप अनुसन्धान भइरहेको प्रहरीले जनाएको छ ।