महोत्तरीको गर्दी खोलामा एकजनाको शव फेला

टुडेपाटी-
महोत्तरी, माघ २६ गते ।

माहोत्तरीको बर्दिवास नगरपालिका ११ स्थित खैरमाराको गर्दी खोलामा एकजनाको शव फेला परेको छ ।

बर्दिवास नगरपालिका ११ बस्ने अन्दाजी ५१ वर्षीय एम बहादुर घताने (बिक) को शव सोमबार अपराह्न फेला परेको प्रहरीले जनाएको छ ।

मृत अवस्थामा उनको शव स्थानीयलेदेखेपछि प्रहरीलाई खबर गरेको थिए । बिकको अत्याधिक मदिरा सेवनबाट मृत्युु भएको हुन सक्ने प्रहरीको अनुमान छ ।
मदिरा सेवनको कारण साँझको बेला प्रस्ट बाटो नदेखिएर खोलामा खसेको हुनसक्ने प्रारभिक अनुसन्धानले देखाएको छ ।

उनको आईतवार साझ मृत्यु भएकोे ईलाका प्रहरी कार्यालय बर्दिवासको प्रहरी निरिक्षक बालिस्टर सिंहले जानकारी दिए ।

मृतकको शव पोस्टमार्टम लागि जनकपुर अञ्चल अस्पताल पठाईएको र घटना विषयमा थप अनुसन्धान भइरहेको ईलाका प्रहरी कार्यालय बर्दिवासले जनाएको छ ।