धनुषाको तीनकौरियामा श्रीमद्भागवत कथा ज्ञान यज्ञ जारी

टुडेपाटी-
जनकपुरधाम, माघ २६ गते ।

धनुषाको विदेह नगरपालिका तीनकौरियामा मानव कल्याणको उदेश्यसहित श्रीमद्भागवत कथा ज्ञान महायज्ञ जारी रहेको छ ।

तीनकौरिया बजारबासीको अायोजनामा माघ २५ गतेदेखि जारी भागवत कथा फागुन १ गतेसम्म चल्ने स्थानीय युवा सुरेश रोहिताले जानकारी दिए ।

महा यज्ञमा स्वामी शिवानन्दजी र कथा व्यास भागवत भास्कर विदुषी मैत्रेयी भारतीले संयुक्तरूपमा भागवत प्रवचन दिइरहेछन् ।

स्थानीय जनता माध्यमिक विद्यालयको चौरमा जारी महायज्ञमा दैनिक हजारौं श्रद्धालु भाग लिने गरेको महायज्ञ समितिका अध्यक्ष दुखी मण्डलले बताए ।