धनुषामा बस स्टेण्डमा एक युवक मृत भेटिए, शव पोष्टमार्टमकालागि जनकपुर ल्याइयो

टुडेपाटी-

जनकपुरधाम, माघ १७ गते ।

धनुषाको धनुषाधाम नगरपालिका वडा नम्बर ९ धारापानीस्थित बस स्टेन्डमा एक युवकको लास फेला परेको छ ।

भोजपुर जिल्लाको च्याम्पे मयुम गाउँपालिका ८ बस्ने विजय नेपालीको शव शनिवार विहानै फेला परेको जिल्ला प्रहरी कार्यालय धनुषाले जनाएको छ ।

प्रहरीका अनुसार अत्याधिक मदिरा सेवनका कारण उनको मृत्यु भएको अनुमान गरिएको छ । प्रहरीका अनुसार शुक्रवार साँझदेखि नै नेपालीले पटक पटक मदिरा खाएका थिए ।

तर राति बाहिरै सुतेकाले कठ्यांग्रिएर समेत उनको मृत्यु भएको हुनसक्ने बताइएको छ ।

शव पोष्टमार्टमकालागि प्रादेशिक अस्पताल जनकपुरमा राखिएको र रिपोर्ट आइसकेपछि थप कुरा खुल्ने डिएसपी मकेन्द्र मिश्रले बताए ।