जन्तीमा जोकर बनेर नाचेका पर्साका उराव घर फर्किने क्रममा मृत भेटिए

टुडेपाटी-
पर्सा, फागुन १६ गते ।

पार्सामा जन्ती गएका एक ४२ वर्षीय पुरुष शुक्रबार बिहान मृत फेला परेका छन् । पर्साको पटेर्वासुगौली गाउँपालिका ३ टोल देकुलीबाट बिहीबार साँझ जन्ती गएका जीराभवानी गाउँपालिका १ का ४२ वर्षीय बोधा उराव धाँगड मृत फेला परेका हुन् ।

उनी पर्सागढी नगरपालिका ५ हरपुरमा शुक्रबार बिहान मृत भेटिएका जनाइएको छ ।

बिहीबार राति जोकर बनेर नाचेका उनी खाना खाएर सुतेका थिए । शुक्रबार बिहान जन्ती घर फर्किने क्रममा उठाउन जाँदा उनको मृत्यु भइसकेको स्थानीयलाई उदृध गर्दै प्रहरीले जानकारी दिए ।

मृत्युको कारण खुल्न नसकेको र घटनाबारे अनुसन्धान भइरहेको इलाका प्रहरी कार्यालय पटेर्वा सुगौलीका प्रहरी निरीक्षक दीपक चोरवारले बताए ।