सिरहामा किराना पसलमा गाँजा बेच्ने साह पक्राउ
टुडेपाटी-
सिरहा, फागुन १६ गते ।
सिरहामा लागुऔषध गाँजासहित एकजनालाई प्रहरीले बिहीबार पक्राउ गरिएको छ । सिरहाको
लक्ष्मीपुर पतारी गाउँपालिका ५ पोखरभिण्डा बस्ने ४७ वर्षीय बद्रीप्रसाद साहलाई पक्राउ गरिएको हो ।
साहलाई गाँजा करिब १ केजी ५ सय ग्राम र नगद १ हजार ८ सय ९५ रूपैयाँसहित बिहीबार दिउँसो पक्राउ गरिएको सिरहा प्रहरीले जनाएको छ ।
साहले आफ्नो किराना पसलमा लागुऔषध गाँजा बेचविखन गरिरहेको भन्ने सूचनाको आधारमा इलाका प्रहरी कार्यालय महेशपुरबाट खटिएको प्रहरी टोलिले जाँच गर्दा पसलबाट उक्त परिमाणको लागुऔषध गाँजा तथा नगद फेला पारेको थियो ।
Sponsored
