पर्साबाट ६ किलो गाँजासहित तीन भारतीय नागरिक पक्राउ

टुडेपाटी-
पर्सा, फागुन १६ गते ।

पर्सामा लागुऔषध गाँजासहित तीनजना भारतीय नागरिकलाई प्रहरीले पक्राउ गरिएको छ । पक्राउ पर्नेमा विहारको छपरा ग्राम महुली–२ थाना तरैयाका ३५ वर्षीय दिनेश सहनी, २७ वर्षीय मिथलेश सहनी र ३३ वर्षीय अजय सहनी छन्।

शुक्रबार चितवनको नारायणघाटमा गाँजा खरिदगरी भारततर्फ लैजाँने क्रममा उनीहरुलाई पक्राउ गरिएको पर्सा प्रहरीले जनाएको छ। उनीहरुको साथबाट ६ किलो गाँजा बरामद गरेको प्रहरीले जनाएको छ।

Sponsored

प्लास्टिकमा पोको पारेर पेटमा डोरीले बाँधेर वीरगञ्ज १६ शंकराचार्य गेटनजिकै सडकमा पैदल हिँडिरहेका अवस्थामा उनीहरुलाई पक्राउ गरेको प्रहरीले जानकारी जनाएको छ ।