महोत्तरीमा आजदेखि निषेधाज्ञा हट्यो, जनजीवन समान्य बन्दै

टुडेपाटी-
महोत्तरी, असोज १ गते ।

कोरोना जोखिम बढेपछि महोत्तरीमा झण्डै डेढ महिनादेखि लगाइएको निषेधाज्ञा हटाइएको छ । जिल्ला प्रशासन कार्यालय महोत्तरीले बुधबार एक सूचना जारी गर्दै निषेधाज्ञा हटाएको हो ।

जिल्लामा कोरोना संक्रमण बढ्ने अनुमान गर्दै जिल्ला प्रशासन कार्यालय महोत्तरीले साउन १५ गतेदेखि जिल्लाभरि निषेधाज्ञा लगाएको थियो ।

Sponsored

निषेधाज्ञा हटेसँगै बिहीबार बिहानबाट बजारहरू खुलेको छ भने जनजीवन पनि सामान्य बन्दै गएको छ । निषेधाज्ञा हटाएको भएपनि कोरोना भाइरसबाट जोगिन सरकारले जारी गरेका निर्देशन र सूचनाको पूर्णरूपमा कार्यान्वयन गर्न प्रमुख जिल्ला अधिकारी कृष्णबहादुर कटुवालले अनुरोध गरेका छन् ।