धनुषा : प्रहरी हबल्दार राति महिलासंग आपत्तिजनक अवस्थामा पक्राउ, गाउँलेद्वारा कुटपिट

टुडेपाटी-
जनकपुरधाम,भदौ २९ गते ।

धनुषाको यदुकोहा इलाका प्रहरी कार्यालयमा कारर्यत एक प्रहरी हबल्दार महिलासंग अपतिजनक अवस्थामा पक्राउ परेका छन् । धनुषाको सहिदनगर नगरपालिका ३ यदुकोहामा आइतबार राति १० बजे एक महिलासंग प्रहरी हबल्दार प्रमे नेपालीलाई स्थानीयले आपतिजनक अवस्थामा पक्राउ गरको हुन् ।

हबल्दारलाई स्थानीयले कुटपिट गरी महिलासहित इलाका प्रहरी कार्यालय यदुकोहामा जिम्मा लगाएका छन् । प्रहरीमा जिम्मा लगाएपनि कारबाहीको लागि प्रहरी हबल्दार र ती महिलालाई मेडिकल नगराई घटना मिलाउन खाजेको एक स्थानीय बासिन्दाले जानकारी दिए ।

यता इलाका प्रहरी कार्यालयका प्रहरी निरीक्षक दीपकबाबु केसीले हबल्दार ती महिलाको घरमा जाँदा महिलाले चोर चोर भन्दै हल्ला गरेपछि स्थानीयले पक्राउ गरी जिम्मा लगाएका बताए ।

प्रहरी हबल्दार र महिला इलाका प्रहरी कार्यालयमा रहेको र घटना विषयमा अनुसन्धान गरिरहेको उनले टुडेपाटीलाई जानकारी दिए ।