सिरहामा भयानक मोटरसाइकल दुर्घटना, एकको घटनास्थलमै मृत्यु, दुइ जनाको अवस्था गम्भीर

टुडेपाटी

सिरहा, भदौ १९ गते ।

सिरहामा भर्खरै केहीबेर अघि भएको मोटरसाइल दुर्घटनामा एक जनाको घटनास्थलमै मृत्यु भएको छ । प्रहरीका अनुसार घटनामा अन्य दुइजना गम्भीर घाइते भएका छन् ।

नरहा गाउँपालिका वडा नं. ५ बलबा टोल नजिकै चोहरबादेखि सिरहा जाने बाटोमा मोटरसाईकल दुर्घटना भएको प्रहरीले जनाएको छ । तर मृतक र घाईतेहरुको सनाखत हुन सकेको छैन् ।

घाईतेहरुलाई नजिकको अस्पतालमा उपचारको लागि पठाइएको हो । सडक छेउमा ईटा लोड गरी बिग्रीएर रोकि राखिएको ट्रयाक्टरमा तीव ग्रतिमा चलाएको मोटरसाईकलले ठक्कर दिएपछि दुर्घटना भएको बताइएको छ ।