महोत्तरीमा विषादी औषधिको सेवनबाट एकजनाको मृत्यु, अर्का एक किशोरी गम्भीर

टुडेपाटी-
जनकपुरधाम, भदौ १६ गते ।

महोत्तरीमा विष सेवन गरि एक जनाको मृत्यु भएको छ । अर्का एक जनाको अवस्था गम्भीर छ ।

महोत्तरीको महोत्तरी गाउँपालिका–५ बस्ने ५५ वर्षीय सूर्यनारायण साहले विषादी सेवनले मृत्यु भएको जिल्ला प्रहरी कार्यालय महोत्तरीका प्रवक्ता एवं प्रहरी नायब उपरीक्षक प्रकाश विष्टले जानकारी दिए ।

विषादी सेवनबाट बेहोश भएका साहलाई उपचारको लागि प्रादेशिक अस्पताल जनकपुर लैजाँदै गर्दा बाटोमै उनको मृत्यु भएको प्रहरीले जनाएको छ ।

त्यस्तै, बलवा नगरपालिका–११ बस्ने सुरेन्द्र महतोकी छोरी १४ वर्षीया आरतीकुमारीले आमाले गाली गरेको विषयलाई लिएर थाइमेड नामक विषादी सेवन गरेपछि उनी सिकिस्त भएकी छन् ।

उनको उपचार जनकपुरस्थित जानकी हेल्थ केयरमा भइरहेको छ भने अवस्था चिन्ताजनक रहेको डीएसपी विष्टले बताए ।