नेपालमा थप २७४ जनामा कोरोना संक्रमण, संक्रमितको सङ्ख्या १९ हजार ५४७ पुग्यो

टुडेपाटी-
काठमाडौं, साउन १५ गते ।

बिहीबार नेपालमा थप २ सय ७४ जनामा कोरोना संक्रमण पुष्टि भएको छ । योसँगै नेपालमा कुल संक्रमितको संख्या १९ हजार ५ सय ४७ पुगेको छ ।

स्वास्थ्य तथा जनसंख्या मन्त्रालयको नियमित मिडिया ब्रीफींग मार्फत ६ हजार ३ सय ४ जनामा गरिएको परीक्षणमा बिहीबार २ सय ७४ जनामा संक्रमण भएको जनाएको छ ।

बिहीबार डिस्चार्ज हुनेको संख्या २ सय २७ रहेको मन्त्रालयका प्रवक्ता डा जागेश्वर गौतमले जानकारी दिए । हालसम्म डिस्चार्ज हुनेको संख्या १४ हजार २ सय ४८ रहेको छ ।

हाल सक्रिय संक्रमितको संख्या ५ हजार २ सय २७ जना रहेको मन्त्रालयले जनाएको छ ।