सिरहाबाट ब्राउनसुगर सहित २ युवक पक्राउ

टुडेपाटी समाचारदाता-
जनकपुरधाम, फागुन ५ गते ।
सिरहामा लागुऔषध ब्राउनसुगर सहित २ जनालाई प्रहरीले आइतबार पक्राउ गरेका छन् ।
पक्राउ पर्नेमा सिरहाको गोलबजार नगरपालिका–७ पुरानो चोहर्वा बस्ने २५ वर्षीय कृष्ण यादव र साही ठाउँका २० वर्षीय प्रवेश महतो छन् ।

इलाका प्रहरी कार्यालय गोलबजारबाट खटेको प्रहरीको गस्ती टोलीले विशेष सुचनाको आधारमा उनीहरुलाई पक्राउ गरेको सिरहाका प्रहरी नायव उपरीक्षक विनोद घिमिरेले जानकारी दिए ।

यादवले ३ ग्राम लागुऔषध ब्राउनसुगर आफ्नै घर कोठामा बिक्री वितरणको लागि लुकाई छिपाई राखेको अवस्थामा महतो समेतलाई पक्राउ गरेको डिएसपी घिमिरेले बताए ।

Sponsored

पक्राउ परेका उनीहरुमाथि थप अनुसन्धान भईरहेको सिरहा प्रहरीले जनाएको छ ।