महोत्तरी : रातुखोलाको खाल्डोमा डुबेर एकजनाको मृत्यु, क्रसरबलाले खाल्डो खनेको स्थानीयको आरोप

टुडेपाटी-

महोत्तरी, साउन ४ गते ।

महोत्तरीको बर्दिवास नगरपालिकामा खाल्डोमा डुबेर एक जनाको ज्यान गएको छ ।

बर्दिवास नगरपालिका–१४ बस्ने १६ रोशन मिश्र खल्डोमा डुबेर ज्यान गएको हो ।

स्थानीय रातुखोलाको खाल्डोमा जमेको पानीमा नुहाउने क्रममा मिश्रको मृत्यु भएको इलाका प्रहरी कार्यालय बर्दिवासका प्रवक्ता सोनुकुमार साहले जानकारी दिए । सोही ठाउँका रबि साह र निशान्त कोइराला संग उनी नुहाउनका लागि खोलामा गएका थिए ।

रातुखोलामा कन्स्ट्रक्सनहरुले मापदण्ड विपरीत खाल्डो खनी गिट्टी बालुवा उत्खनन गरेकोले मिश्रको ज्यान गएको स्थानीयको भनाइ छ ।

गत बुधबार भंगहा नगरपालिकामा खाल्डोमा जमेको पानीमा डुबेर दुईजना बालिकाको मृत्यु भएको थियो ।