वीरगञ्जबाट २१ टन केराउ मटर बेकेको ट्रकसहित चालक पक्राउ

टुडेपाटी-
पर्सा, जेठ १३ गते ।

प्रहरीले पर्साको वीरगञ्जबाट २१ टन केराउ मटर बेकेको ट्रकसहित एकजनालाई पक्राउ गरेको छ । लकडाउनको मौकाछोपी परवानीपुरबाट वीरगञ्ज तर्फ जाँदै गरेको ना ३ ख ३५६९१ नम्बरको ट्रक २ सय ४० बोरा अर्थात अन्दाजी २१ टन केराउसहित चालकलाई प्रहरीले नियन्त्रणमा लिएको हो ।
चालक बराको निजगढ नगरपालिका ८ बस्ने ४० वर्षका यमबहादुर दमई रहेको प्रदेश २ प्रहरी कार्यालयले जनाएको छ ।

प्रहरीका अनुसार जेठ १० गते साँझ पर्साको वडा प्रहरी कार्यालय श्रपुरबाट खटेको प्रहरी टोलीले वीरगञ्ज उपमहानगरपालिका १४ गण्डक स्थित चेकजाँच गर्दा कुनै कागजात नभएको अवस्थामा कोराउ लोड भएको ट्रकसहित चालकलाई नियन्त्रणमा लिएको हो ।

Sponsored

मटर लोड भएको ट्रकसहित चालकलाई आवश्यक कारबाहीको लागि राजश्व अनुसन्धान कार्यालय पथलैया बारामा पठाइएको प्रहरीले जनाएको छ ।