कोरोना संक्रमित जनकपुरका पत्रकार र पुस्तक व्यवसायीका परिवारका सबैको रिपोर्ट नेगेटिभ

टुडेपाटी-
जनकपुरधाम, जेठ ६ गते ।

जनकपुरधामका कोरोना संक्रमित पत्रकार र पुस्तक व्यवसायीको परिवारको कोरोना रिपोर्ट नेगेटिभ आएको छ ।

उनीहरुको परिवारका सबै सदस्यको गरिएको पिसिआर परीक्षणमा गरिएको थियो । सो परीक्षणको रिपोर्ट नेगेटिभ आएको जनस्वास्थ्य प्रशासनक विजय झाले जानकारी दिए ।

गत हप्ताको बिहीबार संक्रमित पत्रकार र पुस्तक व्यवसायीको कन्ट्याक ट्रेसिङ्गको आधारमा घर परिवारका ९ जनाको स्वाब संकलन गरी परिक्षणका लागि काठमाडौं पठाइएको थियो ।

यसैगरी संक्रमित व्यक्तिको सम्पर्कमा आएका अन्य ३० जनाको पिसिआर थ्रोट र नोजल स्वाब सोमबार संकलन गरी परीक्षणका पठाइए पनि रिपोर्ट आउन नसकेको नेपाल पत्रकार महासंघका अध्यक्ष अनिल मिश्रले जानकारी दिए ।

संक्रमितका परिवारका सदस्यलाई जनकपुरधाम ७ स्थित वडाको क्वारेन्टाइनबाट घर पठाउने तयारी गरिएको वडा अध्यक्ष जानकीराम साहले जानकारी दिए ।