जनकपुरधामको बिच बाटोमै प्लाष्टिकको झोलामा शिशुको शव फेला

टुडेपाटी-

जनकपुरधाम, जेठ ६ गते ।

जनकपुरधामको बिच बाटोमै प्लाष्टिकको झोलामा बेरेर फालेको अबस्थामा एक नवजात शिशुको शव फेला परेको छ ।

जनकपुरधाम उपमहानगरपालिका ६ र १० कोबीचमा अवस्थित हस्पिटल रोड जाने बिच बाटोमै मंगलबार बिहान प्लाष्टिकको झोलामा पोको पारेर काठको डब्बामा राखि फालिएको अवस्थामा शिशुको शव बरामद भएको प्रहरीले जनाएको छ ।

स्थानीयले अवैध सम्बन्धका कारण जन्मिएकोले बच्चालाई कसैले फालेको हुन सक्ने अनुमान गरेका छन् ।

शिशुको शव परीक्षणका लागि प्रादेशिक अस्पताल जनकपुरमा लगिएको छ भने शव फाल्ने व्यक्तिको खोजी भइरहेको जिल्ला प्रहरी कार्यालय धनुषाले जनाएको छ ।