पोखरीमा डुबेर दुई बालिकाको मृत्यु

टुडेपाटी-
मोरङ, भदौ ३० गते ।

मोरङमा पोखरीमा डुबेर दुई बालिकाको मृत्यु भएको छ ।

मोरङको ग्रामथान गाउँपालिका–२ स्थित रम्भा देवको माछा पोखरीमा डुबेर स्थानीय १२ वर्षकी समीक्षा माझी र १० वर्षकी रेजिना खवासको मृत्यु भएको प्रहरीले जनाएको छ ।

जिल्ला प्रहरी कार्यालय मोरङका प्रवक्ता डीएसपी रन्जनकुमार दाहालका अनुसार बालिकाहरु डुबेर घाइते भएको अवस्थामा शनिबार बिहान स्थानीय बासिन्दाले फेला पारेका थिए ।

कोसी अस्पतालमा ल्याइएका उनीहरुलाई चिकित्सकले मृत घोषणा गरेको प्रहरीले जनाएका छन् ।