रहेनन् जनकपुरका दानवीर साह

टुडेपाटी–
जनकपुरधाम, भदौ १ गते ।

जनकपुरधाम निर्माणमा महत्वपूर्ण भूमिका निर्वाह गरेका समाजसेवी रामचन्द्र साहको ९५ वर्षको उमेरमा निधन भएको छ ।

रामस्वरुप रामसागर बहुमुखी क्याम्पस (राराब) र सरस्वती उच्च माविका स्थापनाकार मध्येका एक समाजसेवी दानवीर साहको शुक्रवार विहान निधन भएको हो ।

जनकपुरधामको शिक्षा र स्वास्थ्य क्षेत्रको पुर्वधार विकासमा जग्गा, जिन्सी र नगद गरि अर्बौैको सम्पती दान गरेका रामसागर रामस्वरुप परिवारका जयेष्ठ सदस्य साहको निधन भएको हो ।

दानविर साहको जनकपुरधामको राराब क्याम्पसमा ७५ बिघ्घा जग्गा दान र सुरुवाती सम्पुर्ण संरचना निर्माण, सरस्वती उच्च माविको सम्पुर्ण जग्गा दान, कन्या उच्च माविको सम्पुर्ण जग्गा दान, मुजेलिया स्थित उच्च माविको जग्गा दान, जनकपुरधामको शिवचौक स्थित शिव मन्दिर निर्माणमा महत्वपूर्ण योगदान छ ।

यस्तै, गंगासागरघाट धर्मशाला निर्माण, जटहीमा पुल र मन्दिर निर्माण, मुजेलियामा धर्मशाला र मन्दिर निर्माण, रत्नसागर मन्दिर निर्माण, तुल्सी स्मारण निर्माण, महिनाथपुर संस्कृत महाविद्यालय निर्माण, धनुषाको कुशमाहा सतोषर स्थित मन्दिर निर्माण, बेङ्गाडाबरमा साढे चार बिघ्घा जग्गामा विद्यालय र शौचालय निर्माणमा उनको योगदान छ ।