मधेश प्रदेश: धोनीको जन्मदिनको अवसरमा झोला वितरण

टुडेपाटी–
पर्सा, असार २२ गते ।

भारतीय क्रिकेट टिमका पूर्व कप्तान महेन्द्रसिंह धोनीको जन्मदिनको अवसरमा वीरगन्जमा झोला वितरण गरिएको छ ।

वीरगञ्जका युवाहरूले शुक्रबार परेको धोनीको ४२ ओैं जन्मदिन परोपकारी कार्य गरेर मनाएका हुन्।

धोनीको जन्मदिनका उपलक्ष्यमा एमएस धोनी फ्यान क्लबका युवाहरूले शुक्रबार विपन्न दलितका बालबालिकालाई स्कुल ब्याग र रिक्सा तथा ठेला चालकहरूलाई पसिना पुछ्ने गम्छा र पानी खाने बोत्तल वितरण गरेका हुन्।

वीरगन्जमा रहेको हाम्रो पाठशालामा अध्ययनरत २५ जना विपन्न दलित बालबालिकालाई स्कुल ब्याग वितरण गरिएको क्लबका अध्यक्ष विक्की सर्राफले बताए।

यस्तै वीरगन्जमा रिक्सा र ठेला चलाउने एक सय जना मजदुरहरूलाई गर्मीमा पसिना पुछ्ने गम्छा र पानी खाने वितरण गरिएको सर्राफले जानकारी दिए।