मधेश प्रदेश: बसबाट ८ लाख बराबरको मोबाईलको टेम्पर ग्लास बरामद

टुडेपाटी–
बारा, असार २२ गते ।

सशस्त्र प्रहरीले पूर्वपश्चिम राजमार्गस्थित बाराको निजगढ नगरपालिका ८ बकैया पुल क्षेत्रबाट ८ लाख रुपैयाँ बराबरको मोबाइलको पीभीसी टेम्पर ग्लास बरामद गरेको छ।

महोत्तरीबाट काठमाडौंतर्फ गइरहेको ना ५ ख ४७६७ नम्बरको यात्रुबाहक बसलाई चेकजाँच गर्दा न्यून बिलबिजक भएको उल्लिखित मूल्य बराबरको १६ हजारवटा ग्लास सुरक्षा बेस निजगढले बरामद गरेको हो।

Sponsored

बरामद गरिएको १६ वटा कार्टुनमा राखिएका ग्लास आवश्यक कारवाहीका लागि राजश्व अनुसन्धान कार्यालय पथलैयामा बुझाइएको सशस्त्र प्रहरीले जनाएको छ ।