धनुषामा कपडा पसलमा आगलागी, लाखौँको क्षति

टुडेपाटी–
जनकपुरधाम, जेठ ३२ गते ।

धनुषाको मिथिलाबिहारी नगरपालिकास्थित एक कपडा पसलमा आगलागी हुँदा लाखौँ मुल्य बराबरको क्षति भएको छ ।

मिथिलाबिहारी–७ स्थित तारापट्टी चोकमा सोही नगरपालिका वडा नम्बर–६ बस्ने अकबर नदाफले सञ्चालन गरेको न्यू आरजु वस्त्रालयमा विद्युत सर्ट भई आगलागी भएको हो ।

स्थानीय रामबाबु साहको घरमा सञ्चालनमा रहेको कपडा पसलमा बिहीबार बिहान आगलागी ८० लाख बराबरको क्षति भएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक वेदप्रसाद गौतमले जानकारी दिए ।

स्थानीय, प्रहरी तथा धनुषाधाम नगरपालिका र जनकपुरधाम उपमहानगरपालिकाबाट बारुण यन्त्र मगाई आगो नियन्त्रणमा लिइएको छ ।