धनुषामा भाउजूको छुरा प्रहारबाट देवर घाइते, प्रहरीले जाहेरी दर्ता नगरेको गुनासो

टुडेपाटी-
जनकपुरधाम, जेठ ४ गते ।

धनुषामा भाउजूले देवरमाथि छुरा प्रहारको घटना सार्वजनिक भएको छ ।

धनुषाको विदेह नगरपालिका वडा नम्बर–७ बेलापट्टिमा पनि स्थानीय बेचु मण्डलकी श्रीमती ३० वर्षीया रिंकु कुमारी मण्डलले आफ्नो देवर राजकुमार मण्डलमाथि छुरा प्रहार गरेकी पीडितले बताका छन् ।

अंश हक सम्बन्धी आपसी विवाद हुँदा रिंकुले पछाडिबाटै ज्यान मार्ने उद्देश्यले घाँटीमा ठूलो छुरा प्रहार गरेको राजकुमारको आरोप छ ।

रिंकुको छुरा प्रहारबाट गम्भीर घाइते भएका छन् । उनको पाखुरामा ३८ वटा टाका लागेको छ ।

पतिमाथि जेठानीले ज्यान लिने गरी प्रहार गरेको भन्दै जिल्ला प्रहरी कार्यालयमा बुधबार किटानी जोहरी दिन पुगेकी थिइन् । तर प्रहरीले जाहेरी दर्ता नगरेको र मिलापत्रको लागि भन्दै दर्ता नगरेको गुनासो गरिन् ।