दुई भरुवा बन्दुक बोकेर महोत्तरीको जंगलमा सिकार खेलिरहेका तीन युवक पक्राउ

टुडेपाटी-
जनकपुरधाम, जेठ ३ गते ।

महोत्तरीको जंगलमा सिकार खेलिरहेका सर्लाहीका तीन युवक दुई थान भरुवा बन्दुकसहित प्रहरीको फन्दामा परेका छन् । पक्राउ पर्नेहरुमा सर्लाहि ईश्वरपुर नगरपालिका १२ बस्ने ३५ वर्षीय लाल बहादुर भोलन, वर्ष ३० का प्रेम बहादुर भोलन र वर्ष ३८ का अमिर स्याङ्तान छन् ।

मंगलबार साँझ वनपथ राष्ट्रिय वन क्षेत्र शिकार खेल्न गएको बेला तीनै जनालाई इलाका प्रहरी कार्यालय बर्दिबासको टोलिले पक्राउ गरेको हो । पक्राउ पर्ने लालबहादुर र प्रेम बहादुरको साथबाट भरुवा बन्दुक बरामद गरेको इलाका प्रहरी कार्यालय बर्दिबासले जनाएको छ ।
प्रहरीलाई देखेपछि उनीहरु भाग्ने प्रयास गरेका थिए । प्रहरीले लखेटेर तीनैजनालाई प क्राउ गर्न सफल भएको हो । उनीहरुमाथि थप अुसन्धान गरिरहेको प्रहरीले जनाएको छ ।

Sponsored