चोरीको सामानसहित जनकपुरधामबाट दुई युवक पक्राउ

टुडेपाटी–
जनकपुरधाम, बैशाख १० गते ।

जनकपुरधामबाट चोरीको सामानसहित दुई युवक पक्राउ परेका छन् ।

पक्राउ पर्नेमा अर्जुन कुमार साह र समिर राईन आलम रहेको जिल्ला प्रहरी कार्यालय धनुषाले जनाएको छ ।

गत मंगलबार राति जनकपुरधाम उपमहानगरपालिका ४ बस्ने जटाशंकर झाको घरमा र सोही घरमा बाडामा बस्ने गुडिया शर्माको कोठामा कोही नभएको समय विभिन्न सामानहरु चोरी भएको थियो ।

चोरले सुन तथा चाँदीको गहना, नगद, क्यामेरा लगायतका सामान चोरी गरेर लगेका थिए ।