मधेश प्रदेश : ५५ वर्षीय पुरुष मृत फेला

टुडेपाटी–
जनकपुरधाम, बैशाख १ गते ।

सप्तरीमा खाल्डोमा जमेको पानीमा एकजना पुरुष मृत फेला परेका छन् ।

शुक्रबार राजबिराज नगरपालिका ६ स्थित सडकको छेउ खाल्टोमा जमेको पानीमा राजबिराज ४ घर भई वडा नं. ६ थानगाछि डेरा लिइ बस्दै आएका ५५ वर्षीय गणेश साह मृत फेला परेको जिल्ला प्रहरी कार्यालय सप्तरीले जनाएको छ ।

खाल्डोमा कोल्टो परी मृत अवस्थामा साहलाई देखेपछि बिहान करिब ६ बजे स्थानियले प्रहरीलाई खबर गरेका थिए ।

प्रहरीको प्रारम्भिक सोधपुछ अनुसार मृत फेला परेका साह अत्याधिक मदिरा सेवन गरी हिडडुल गर्ने गरेका थिए ।

यस सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।