मधेश प्रदेश : इँटाभट्टाको पर्खाल भत्किँदा एक महिलाको मुत्यु

टुडेपाटी–
सिरहा, चैत १० गते ।

इँटाभट्टाको पर्खाल भत्किएर सिरहामा एक महिलाको मुत्यु भएको छ ।

यस्तै, अन्य दुईजना घाइते भएका छन् ।

सिरहाको गोलबजार नगरपालिका–८ स्थित सगुन इँटा उद्योगको पर्खालले किच्दा भारतको पश्चिम बङ्गाल राज्यकी महिमा वीवीको शुक्रबार बिहान मृत्यु भएको हो ।

भट्टामा पोलेको इँटा निकाल्ने क्रममा भट्टिको पर्खाल भत्किएर किच्दा घाइते भएकी उनको उपचारका लागि लहान लैजाने क्रममा बाटैमा मृत्यु भएको इलाका प्रहरी कार्यालय गोलबजारले जनाएको छ ।

यस्तै, घाइते ३५ वर्षीया बवी वीवी र ४० वर्षीया ममता वीवीको स्थानीय स्वास्थ्य केन्द्रमा उपचार भइरहेको छ । उनीहरुको अवस्था सामान्य रहेको प्रहरीले जनाएको छ ।

यस सम्बन्धमा थप अनुसन्धान भइरहेको प्रहरीले जनाएका छन् ।