सप्तरीबाट पेस्तोलसहित दुईजना युवक पक्राउ

शुभ नारायण यादव–
सप्तरी, चेत ५ गते ।

सप्तरीको तिलाठी कोइलाडी गाउँपालिका वडा नं. १ स्थित तिलाठिको नेपाल–भारत सीमा क्षेत्रबाट पेस्तोलसहित दुईजना युवक पक्राउ परेका छन् ।

सिमामा खटिएका सशस्त्र प्रहरी तथा नेपाल प्रहरीको संयुक्त गस्ती टोलीले आइतबार दिउँसो उनिहरुलाई पक्राउ गरेका हुन् ।

पक्राउ पर्नेमध्ये एक जना युवक सप्तरीको छिन्नमस्ता गाउँपालिका वडा नं. २ महुवाका सोनु राय रहेको प्रहरीले जनाएको छ ।

प्रहरीका अनुसार अर्का एक जनाको पहिचान खुलेको छैन् ।

यता, सो घटनाबारे अनुसन्धान भइरहेको जिल्ला प्रहरी कार्यालय सप्तरीका एसपी नरेन्द्र कुमार कार्कीले जानकारी दिए ।