मापसे गरेर मोटरसाइकल चलाउँदा दुर्घटना भएर मण्डलको मृत्यु
टुडेपाटी-
जनकपुरधाम, फागुन २५ गते ।
मोटरसाइकल अनियन्त्रित भएर दुर्घटना हुँदा सप्तरीमा एकजनाको मृत्यु भएको छ । मृत्यु हुनेमा सप्तरीको तिलाठी कोईलाडी गाउँपालिका २ लौनियाका ५० वर्षीय श्याम मण्डल छन् ।
बुधबार राति १० बजेको समयमा राजबिराज नगरपालिका ११ पम्प नहर स्थित भित्रि सडक खण्डमा मण्डल आफै चलाउँदै गरेको स ४ प ३२७५ नम्बरको मोटरसाइकल आफै अनियन्त्रित भई दुर्घटना भएको प्रहरीले जनाएको छ ।
Sponsored
दुर्घटनामा गम्भीर घाइते भएका मण्डलको छिन्नमस्ता अस्पताल राजबिराजमा उपचारको क्रममा राति पौने १२ बजे मृत्यु भएको सप्तरीका प्रहरी प्रवक्ता डिएसपी नरेश कुमार सिंहले जानकारी दिए । उनका अनुसार मण्डलले मापसे गरि मोटरसाइकल चलाउँदा दुर्घटना भएको हो ।
