परिक्रमा आज तेश्रो दिन फुलहर प्रस्थान

टुडेपाटी-
जनकपुरधा, फागुन १० गते ।

धार्मिक तथा ऐतिहासिक पद यात्रा १५ दिने मिथिला मध्यमा परिक्रमा आज तेश्रो दिन भारतको फुलहर प्रस्थान गरेको छ । हिजो मंगलबार बिहान जनकपुरधामको हनुमाननगरबाट भारतको कल्ना पुगेर विश्राम गरेका परिक्रमा यात्री आज फुलहरको लागि प्रस्थान गरेका हुन् ।

फुलहरमा त्रेता युगमा भगवान राम र सिताको पहिलो भेट भएको थियो। जसलाइ गिरिजा स्थान पनि भनिन्छ। आज राति गिरिजास्थानको रात्री विश्रामपछि परिक्रमाको लस्कर भोलि बिहीबार बिहान नेपालको मटिहानी प्रवेश गर्ने छन् ।

सोमबार धनुषाको कचुरीको मठबाट मिथिला बिहारीजीको डोला र जनकपुरको रत्नसागर स्थित मठबाट रामजानकीको डोलालाई विधिवत रूपमा निकाली १५ दिने मिथिला माध्यमिकी परिक्रमा सोमबारबाट प्रारम्भ भएको थियो ।

भोली मटिहानी, जलेश्वर, मडै, ध्रुवकुण्ड, कञ्चनवन, पर्वता, सतोषर, औरही, बिशौल हुँदै पुनः कल्ना पुगी १५ औं दिनमा परिक्रमा टोली जनकपुर आउनेछन् । त्यसपछि जनकपुरमा अन्तगृह परिक्रमासँगै परिक्रमा समापन हुनेछ । त्यसको भोलिपल्ट जनकपुरमा होली खेल्ने समेत परम्परा रहेको छ ।