मधेश प्रदेश : मोटरसाइकल अनियन्त्रित भएर दुर्घटना हुँदा एकजनाको मृत्यु

टुडेपाटी–
जनकपुरधाम, फागुन ५ गते ।

मोटरसाइकल आफै अनियन्त्रित भएर दुर्घटना हुँदा सप्तरीमा एकजनाको मृत्यु भएको छ ।

शुक्रबार सप्तरीको महदेवा गाउँपालिका १ चिमटी स्थित हुलाकी सडक खण्डमा डिमनबाट राजबिराजतर्फ जाँदै गरेको को २८ प ६५८६ नम्बरको मोटरसाइकल दुर्घटना हुँदा एकजनाको मृत्यु भएको जिल्ला प्रहरी कार्यालय सप्तरीले जनाएको छ ।

मोटरसाइकल अनियन्त्रित भई बिजुलिको पोलमा ठोकिदा राजबिराज नगरपालिका ११ फर्सेट बस्ने ३० वर्षीय प्रदिप कुमार यादवको मृत्यु भएको हो ।

दुर्घटना पश्चात घाईते भएका उनलाई उपचारको लागि गाजेन्द्र नारायण सिंह अस्पताल सप्तरीमा पठाईएकोमा चिकित्सकले मृत घोषणा गरेको सप्तरी प्रहरीले जनाएका छन् ।