मधेश प्रदेश : दुईवटा मोटरसाइकल एक आपसमा ठोकिँदा एकजनाको मृत्यु

टुडेपाटी-
बारा, माघ २७ गते ।

बारामा दुईवटा मोटरसाइकल एक आपसमा ठोकिँदा एकजनाको मृत्युु भएको छ ।

जिल्लाको सिम्रौनगढ नगरपालिकामा दुई वटा मोटरसाइकल एक आपसमा ठोक्किँदा सिम्रौनगढ एकजनाको मृत्यु भएको प्रहरीले जनाएका छन् । यस्तै दुई जना घाइते भएका छन् ।

सिम्रौनगढ- ५ कोल्डस्टोर टोलस्थित तेलकुवा सिम्रौनगढ नहर सडक खण्डमा टेटाबाट बजारतर्फ आउँदै गरेको ना १ प ६८८८ नम्बरको र ना १८ प ५१४१ नम्बरको मोटरसाइकल एक आपसमा ठोकिँएका थिए।

दुर्घटनामा परि सिम्रौनगढ- १० टेटा बस्ने ६५ वर्षीय महावीर साह कानुको अस्पतालमा उपचारको क्रममा मृत्यु भएको प्रहरीले जनाएको छ।

दुर्घटनामा परेर सोही मोटरसाइकलको पछाडि बसेकी मृतककी नातिनी १३ वर्षीया प्रियान्शु कुमारी साह घाइते भएकी छन्।

उनको अवस्था समान्य रहेको छ ।

यस्तै, ना १८ प ५१४१ नम्बरको मोटरसाइकल चालक सिम्रौनगढ- ४ गंगानगर बस्ने १८ वर्षका बाल्मिकी यादव घाइते भएको बाराका प्रहरी प्रवक्ता राजेश थापाले जानकारी दिए।