धनुषाको विभिन्न स्थानबाट चोरी गरेको आरोपमा ५ जना पक्राउ

टुडेपाटी–
जनकपुरधाम, माघ १७ गते ।

धनुषाको विभिन्न स्थानबाट चोरी गरेको आरोपमा पाँचजना पक्राउ परेका छन् ।

पक्राउ पर्नेमा जनकपुरधाम उपमहानगरपालिका १४ बस्ने रतिश गुप्ता, सर्लाहीको चक्रघट्टा गाउँपालिका ७ बस्ने २१ वर्षीय रबिन्द्र कुमार यादव र २२ को चन्दन कुमार यादव, जनकपुरधाम २४ बस्ने सरोज कुमार महत्तो र श्याम सुन्दर महत्तो रहेको जिल्ला प्रहरी कार्यालय धनुषाले जनाएको छ ।

सोमबार बिहान जनकपुरधाम २ शिवचोक स्थित कपडा पसलबाट मोबाईल चोरी गरेको आरोपमा गुप्तालाई पक्राउ गरिएको छ ।

यस्तै, सोमबार राति ८ बजे ज ६ प ७७१४ नम्बरको १५० सि.सि. को कालो रङको पल्सर मोटरसाईकल मिथिला नगरपालिका १० लालगढ मोडेल अस्पतालको छेउमा पार्किङ गरी राखेकोमा चोरी गरेर भागेका सर्लाहीका रबिन्द्र कुमार यादव र चन्दन कुमार यादवलाई पक्राउ गरिएको प्रवक्ता प्रहरी नायव उपरीक्ष प्रदीप बहादुर क्षेत्रीले जानकारी दिए ।

यस्तै, जनकपुरधाम ४ बस्ने संजिव कुमार रायको घरबाट पानी तान्ने मोटर, पेन्ट, आइरन, लत्ता कपडाहरू चोरी गरेर फरार रहेका सरोज कुमार महत्तो र श्याम सुन्दर महत्तोलाई पक्राउ गरिएको जिल्ला प्रहरी कार्यालय धनुषाले जनाएको छ ।