मधेश प्रदेश : जाडो छल्न बालिएको घुरमा जलेर एक महिला घाइते

टुडेपाटी-
जनकपुरधाम, पुस ३० गते ।

सर्लाहीमा जाडो छल्न बालिएको घुरमा जलेर एकजना घाइते भएका छन् ।

गएराती घुर ताप्ने क्रममा सर्लाही गोडैता नगरपालिका ३ सिमरा भगवतीपुर बस्ने मुकेश ठाकुरको श्रीमती २२ वर्षीया ललिता देवी जलेर घाइते भएको जिल्ला प्रहरी कार्यालय सर्लाहीले जनाएको छ ।

आफ्नै घर अगाडी आगो तप्ने क्रममा अचानक शरिरमा आगलागी हुँदा शरिरको विभिन्न भागमा जलेको तथा अवस्था मध्यम रहेको प्रहरी प्रवक्ता प्रहरी नायव उपरीक्षक बिजय यादवले जानकारी दिए ।

घाइते भएकी महिलाको प्रादेशिक अस्पताल मलंगवामा उपचार भईरहेको प्रहरीले जनाएका छन ।