मधेशप्रदेश : १७ कठ्ठामा लगाइएको गाँजा नष्ट

टुडेपाटी–
बारा, पुस १२ गते ।

बारामा करिब १७ कठ्ठामा लगाइएको गाँजा फडानी गरिएको छ ।

नेपाल प्रहरी र सशस्त्र प्रहरीको संयुक्त टोलीले निजगढ नगरपालिका वडा नं १२ र १३ कुलियामा लगाइएको गाजा फडानी गरेको हो ।

लुकीछिपी लागु औषध गाँजा लगाईएको छ भन्ने सूचनाको आधारमा खटिएको सुरक्षाकर्मीको टोलीले गाजाको बोट फडानी गरेको थियो ।

सशस्त्र प्रहरी बल सुरक्षा बेस क्याम्प, रनतपुरी तथा ईलाका प्रहरी कार्यालय निजगढबाट सुरक्षाकर्मीको टोली गाजा फडानीका लागि खटिएका थिए ।

सशस्त्र प्रहरी नायब उपरीक्षक जगनाथ खड्का र प्रहरी निरीक्षक सञ्जिव ओलीको नेतृत्वमा खटिएको १९ जनाको टोलीले गाजा फडानी गरेका थिए ।

फडानी गरिएको गाजाको बोट एक ठाउँमा जम्मा गरेर जलाएर नष्ट गरिएको सशस्त्र प्रहरी बलले जनाएको छ ।