मधेश प्रदेश : तीन बिघा उखु खेतीमा आगलागी

टुडेपाटी–
बारा, कार्तिक १७ गते ।

बारामा तीन बिघा उखुखेतीमा भीषण आगलागी भएको छ । जिल्लाको निजगढ नगरपालिका ८ स्थित अस्सी बिगाहमा रहेको उखुखेतीमा बुधबार दिउँसो ४ बजेदेखि सुरु भएको आगो दुई घण्टापछि नियन्त्रणमा आएको थियो ।

स्थानीय हिरा सारु मगरको १ बिघा र राम खत्रीको २ बिघा उखुखेतीमा आगो लागेको हो ।

किसान हिरा सारु मगरले आगोलागीबाट करिब १५ लाखको उखु नष्ट भएको जानकारी दिए । बुधबार दिउँसो एकासी लागेको आगलागीबाट तीन बिघा जमिनमा लगाएको उखु पूर्णरुपमा जलेर नष्ट भएको हो । ‘बारीमा पाकेको उखु बिक्री गर्ने तयारीमा लागि परेका थियौं,’ किसान मगरले भने, ‘तयारी उखु जलेर पूर्ण रुपमा नष्ट भयो । कसले के कारणले उखु खेतीमा आगो लागेको त्यो भने खुलेको छैन ।’

आगलागी निजगढ नगरपालिका र कोल्हवी नगरपालिकाको दमकलबाट आगो नियन्त्ररणमा आएको थियो ।

आगो स्थानीयबासीका प्रहरीको सहयोगमा नियन्त्रणमा आएको स्थानीयले बताए ।